ABŞ-də vəziyyət gərginləşir: Los-Ancelesdəki etirazlar digər şəhərlərə yayılıb- FOTO
ABŞ-də miqrantlara qarşı keçirilən reydlərə etiraz olaraq Kaliforniyanın Los-Anceles şəhərində başlayan iğtişaşlar ölkə üzrə bir çox şəhərə yayılıb.
Crossmedia.az ABŞ mətbuatına istinadən xəbər verir ki, etirazlar nəticəsində şəhərdə fövqəladə vəziyyət elan edilib və yerli vaxtla saat 20:00-dan 06:00-a qədər şəhər mərkəzində komendant saatı tətbiq olunub.
Etirazlar Teksas, Atlanta, Çikaqo, Nyu-York, Denver, Las-Veqas, Filadelfiya, Milvoki, Sietl, Boston və Vaşinqton daxil olmaqla onlarla şəhəri əhatə edir. Los-Ancelesdə vəziyyət daha da gərginləşib. ABŞ ordusu 700 dəniz piyadasını şəhərdəki Milli Qvardiya qüvvələrinə dəstək üçün göndərib. Ordu nümayəndələri onların federal binaların və işçilərin qorunmasında iştirak edəcəyini bildirib.
Los-Ancelesin meri Karen Bass, şəhərin mərkəzi hissəsində tətbiq olunan komendant saatına əməl etməyən şəxslərin saxlanılacağını və hüquqi məsuliyyətə cəlb olunacağını bildirib. Sosial media üzərindən verdiyi açıqlamada Bass, “Prezidentin yaratdığı xaotik şəraitdən faydalanan niyyətli şəxsləri durdurmaq üçün bu qərarı verdim. Əgər şəhər mərkəzində yaşamır və ya işləmirinizsə, bu ərazidən uzaq durun”,- deyə çağırış edib.
Etirazçılara qarşı atlı polis də göndərilib, təhlükəsizlik qüvvələri plastik güllələrlə müdaxilə edib. Milli Qvardiya isə plastik qalxanlarla mövqe tutaraq ərazidə gözətçilik edir. Artıq bəzi Beynəlxalq Qvardiya əsgərlərinin saxlamaları həyata keçirən federal agentləri qoruduğu bildirilir.
Kaliforniya qubernatoru Qavin Nyusom, Prezident Donald Trampı artan şəkildə hərbi gücdən istifadə etməklə Los-Ancelesi “hərbi düşərgəyə” çevirməkdə ittiham edib. O, bu addımların sadəcə gərginliyi artıracağını və sivil narazılıqları daha da alovlandıracağını bildirib.
Mədinə Cəlilova
00:00 12.06.2025
Oxunuş sayı: 2272
