Vatikan və BMT liderləri dünyada sülhü bərpa etmək üçün yollar axtarır
Vatikan rəhbəri Papa XIV Leo Birləşmiş Millətlər Təşkilatının (BMT) Baş katibi Antonio Quterreşlə görüşüb.
Crossmedia.az xəbər verir ki, görüş Vatikanda baş tutub və əsas müzakirə mövzusu qlobal səviyyədə sülhün təşviqi, beynəlxalq böhranlar və yaxınlaşan beynəlxalq sammitlər olub.
Vatikanın Mətbuat Xidmətinin açıqlamasında bildirilib ki, tərəflər BMT-nin sülh və sabitliyin qorunmasına yönəlmiş səylərinə Vatikanın dəstəyini vurğulayıblar.
Görüş zamanı Quterreş Vatikanın dövlət katibi kardinal Pietro Parolin və dövlətlər və beynəlxalq təşkilatlarla əlaqələr üzrə katibi monsenyor Pol Riçard Qallagerlə də görüşüb.
Müzakirələrdə BMT-nin müxtəlif istiqamətlər üzrə həyata keçirdiyi proseslər, qarşıdakı beynəlxalq tədbirlər və təşkilatın üzləşdiyi əsas çağırışlar geniş müzakirə olunub.
Həmçinin, qlobal münaqişələrin hazırkı vəziyyəti və sülh təşəbbüslərinin perspektivləri ətrafında fikir mübadiləsi aparılıb.
Aybəniz Səfərova
21:27 11.06.2025
Oxunuş sayı: 9394
