Tramp: “Putinlə Ukrayna müharibəsinin sonlandırılması barədə müzakirə apardıq”
ABŞ Prezidenti Donald Tramp Rusiya lideri Vladimir Putinlə arasında yaxşı münasibətlərin olduğunu bildirib.
Crossmedia.az xəbər verir ki, Tramp bu barədə iyunun 4-də baş tutan telefon danışığına istinadən danışıb. Onun sözlərinə görə, əsas müzakirə mövzusu Ukraynada davam edən müharibənin dayandırılması olub.
“Əsasən müharibədən və onun necə sona çatdırılacağından danışdıq. Putinlə münasibətlərim hər zaman yaxşı olub. Əgər ABŞ-da seçki saxtakarlığı olmasaydı, bu müharibə ümumiyyətlə baş verməzdi”, – deyə Tramp vurğulayıb.
O qeyd edib ki, telefon danışığı konstruktiv məcrada keçsə də, konkret razılaşma əldə olunmayıb.
Tramp Ukraynadakı vəziyyəti "amansız" adlandıraraq bildirib: “İkinci Dünya Müharibəsindən sonra belə miqyasda qarşıdurma müşahidə edilməyib. Bəzən irəliləyiş əldə olunur, lakin ardınca bombalanmamalı bir obyekt hədəfə alınır və bu, prosesi geri salır”.
19:59 11.06.2025
Oxunuş sayı: 9960
