İran Müdafiə naziri: "Tehran hücuma məruz qalarsa, bölgədəki bütün ABŞ bazalarını hədəf alacaq"
Bu gün İranın müdafiə naziri Əziz Nəsirzadə Nazirlər Kabinetinin iclasından sonra jurnalistlərə açıqlamasında bildirib ki, “Tehrana mümkün hücum halında, ABŞ ağır itki verərək bölgəni tərk etməli olacaq”.
Bu barədə Crossmedia.az İran KİV-ə istinadən məlumat verir.
"Hərbi qarşıdurma baş verərsə, qarşı tərəfdəki itkilər şübhəsiz ki, daha çox olacaq və ABŞ bölgəni tərk etmək məcburiyyətində qalacaq. Biz heç nəyi nəzərə almadan bölgədəki bütün Amerika bazalarını hədəfə alacağıq", - deyə, nazir vurğulayıb.
Nəsirzadə ABŞ ilə nüvə danışıqlarının uğurlu olacağına və məsələnin münaqişəyə gətirib çıxarmayacağına ümid etdiyini bildirib.
17:35 11.06.2025
Oxunuş sayı: 8433
