Yamaykada timsahlar yox olmaq təhlükəsi altındadır
Yamaykanın cənub sahillərində yaşayan yeganə timsah növü Amerika timsahı (Crocodylus acutus) qanunsuz ov, plastik tullantılar və yaşayış mühitinin itirilməsi səbəbindən yox olmaq təhlükəsi ilə üzləşib.
Crossmedia.az xəbər verir ki, bu barədə CNN məlumat verib.
Timsahlara qarşı xalq arasında davam edən qorxu da onların sayının azalmasına səbəb olur. Son on ildə Yamaykada cəmi 11 timsah hücumu qeydə alınıb.
Timsahların qorunması üçün 40 ildən çoxdur çalışan Lawrence Henriques, “Timsah Mühafizəçisi” ləqəbi ilə tanınır. O, Holland Bay Timsah Qoruğunda timsahları sağaldır, böyüdür və təbiətə qaytarır. Henriques timsahların əslində düşündüyü qədər təhlükəli olmadığını cəmiyyətə çatdırmağa çalışır.
Nigar Rəhimova
15:45 11.06.2025
Oxunuş sayı: 7734
