ABŞ institundan xəbərdarlıq: Rusiya NATO ilə müharibəyə başlaya bilər - Tarix göstərildi
NATO-nun Baş katibi Mark Rutte iyunun 9-da verdiyi açıqlamada bildirib ki, kəşfiyyat məlumatlarına əsasən, Rusiya 2025-ci ildə 1.500 tank, 3.000 zirehli texnika və 200 ədəd "İskəndər" raketi istehsal etməyi planlaşdırır.
Crossmedia.az xəbər verir ki, bu barədə ABŞ-nin Müharibə Araşdırmaları İnstitunun son hesabatında qeyd olunub.
Bunun yalnız yeni hərbi texnikanın istehsalını əhatə edib-etmədiyi, yoxsa Sovet dövrünə aid olan, lakin yenilənərək istifadəyə qaytarılan texnikanı da əhatə edib-etmədiyi hələlik dəqiq bilinmir.
Rutte, həmçinin qeyd edib ki, Rusiya Çin Xalq Respublikası, Şimali Koreya və İranla əməkdaşlıq edir və Çin texnologiyası hesabına hərbi qüvvələrini yenidən formalaşdırır. Bildirək ki, NATO Baş katibi əlavə edib ki, iyunun 5-də üzv ölkələrin müdafiə nazirləri genişmiqyaslı pilotsuz uçuş aparatları və raket hücumlarına qarşı müdafiəni gücləndirmək məqsədilə hava və raketdən müdafiə sahəsinə ayrılan vəsaitin 400 faiz artırılması barədə razılığa gəliblər”, - məlumatda bildirib.
Həmçinin qeyd olunub ki, Rusiya 2022-ci ildən əvvəlki hərbi gücünü tam bərpa etmədən də NATO ölkələri üçün real təhlükə yarada və 2030-cu ildən əvvəl belə hücumlara başlaya bilər.
Xumar Emilqızı
22:56 10.06.2025
Oxunuş sayı: 1529
