Tramp üsyançılara qarşı hərbi güc tətbiq etməyi planlaşdırır
ABŞ Prezidenti Donald Tramp Kaliforniyada miqrasiya siyasətinə qarşı keçirilən etirazları yatırtmaq üçün 1807-ci ilə aid olan “Üsyan Aktı”ndan istifadə etməyi nəzərdən keçirir.
Crossmedia.az xəbər verir ki, bu barədə "Axios" nəşri məlumat yayıb.
Həmin qanun prezidentə qiyam və ya üsyan hallarında ölkə daxilində hərbi güc tətbiq etmək səlahiyyəti verir.
Eyni zamanda prezident bu aktdan istifadə edərək ştatların polis və digər hüquq-mühafizə orqanlarına nəzarəti də öz üzərinə götürə bilər.
Mənbələrə görə, Tramp etirazçıları açıq şəkildə “üsyançılar” adlandıraraq bu qanundan istifadə etməyə istəkli olduğunu gizlətmir.
Eyni zamanda ABŞ-nin bir çox ştat və şəhərlərində federal miqrasiya siyasətinə qarşı genişmiqyaslı etirazlar davam edir. Etiraz aksiyaları San Kaliforniya, Vaşinqton, Nyu-York, Corciya, Massaçusets, Pensilvaniya, Şimali Karolina, Kentukki və Texas şəhərlərində qeydə alınıb.
21:13 10.06.2025
Oxunuş sayı: 9760
