Rusiya Ukrayna əsirliyindən daha bir qrup hərbçisini geri qaytardı
Rusiya və Ukrayna arasında ikinci hərbi qrupun azad olunması çərçivəsində əsir mübadiləsi həyata keçirilib.
Crossmedia.az xəbər verir ki, bu barədə Rusiya Müdafiə Nazirliyinin yayımladığı rəsmi məlumatda bildirilib.
Məlumatda qeyd olunur ki, iyunun 9-da 25 yaşadək olan bir qrup Rusiya hərbçisi Ukrayna əsirliyindən geri qaytarılıb. Növbəti gün isə İstanbul razılaşmaları çərçivəsində əlavə bir qrup rusiyalı hərbçi Ukrayna tərəfindən azad edilərək Belarus ərazisinə gətirilib. Rusiya tərəfi qarşılığında müəyyən sayda Ukrayna hərbçisini təhvil verib.
Hazırda azad olunan rusiyalı hərbçilər Belarusda tibbi və psixoloji yardımla təmin olunur.
Qeyd edək ki, əsir mübadiləsi iyunun 2-də İstanbulda əldə olunmuş razılaşmaya əsasən həyata keçirilib.
19:15 10.06.2025
Oxunuş sayı: 10312
