BAEA baş direktoru: Tehran və Vaşinqton diplomatik həll yoluna səy göstərməlidir
Beynəlxalq Atom Enerjisi Agentliyinin (BAEA) baş direktoru Rafael Qrossi Tehran və Vaşinqton arasında aparılan danışıqlara münasibət bildirərək, irəliyə doğru yeganə çıxış yolunun diplomatik həll olduğunu və bu həllin BAEA-nın yoxlama mexanizmi ilə təmin edilməsinin zəruri olduğunu vurğulayıb.
Crossmedia.az-ın xarici KİV-ə istinadən məlumatına görə, Qrossi ABŞ və İrana çağırış edərək, məsələnin uğurla nəticələnməsi üçün səylərini, müdrikliyini və siyasi cəsarətini əsirgəməmələrini tövsiyə edib.
O, həmçinin tərəflərə dəstəyini davam etdirəcəyini qeyd edib.
BAEA rəhbəri əlavə edib ki, İran təminatlarla bağlı məsələləri tam həll etməyincə, agentlik ölkənin nüvə proqramının yalnız dinc məqsədli olduğuna tam əmin ola bilməyəcək.
19:06 10.06.2025
Oxunuş sayı: 1268
