NATO Rusiyanin hava təhdidinə qarşı böyük müdafiə planı hazırlayir
NATO-nun Baş katibi Mark Rutte, Rusiyanın artan hava hücumları fonunda alyansın hava və raket müdafiə qabiliyyətlərini 400% artırmağı təklif edib. Londonda keçirilən çıxışında Rutte, Ukraynadakı müharibənin NATO üçün ciddi xəbərdarlıq olduğunu bildirib və hava təhlükəsinin müharibədən sonra da davam edəcəyini vurğulayıb.
Crossmedia.az xəbər verir ki, Bu barədə CNN Türk məlumat verib.
Rutte, üzv ölkələrin müdafiə xərclərini ÜDM-in 3,5%-nə, əlavə olaraq isə 1,5%-ni infrastruktur və kibertəhlükəsizlik kimi sahələrə ayırmağı təklif edib. Bu, ABŞ Prezidenti Donald Trampın uzun müddətdir tələb etdiyi 5%-lik müdafiə xərcləri hədəfi ilə üst-üstə düşür.
Bu çağırış, 24-25 iyun tarixlərində Haaqada keçiriləcək NATO Liderlər Zirvəsi ərəfəsində səsləndirilib və zirvədə üzv ölkələrin hərbi xərclərinin artırılması planlaşdırılır.
Kreml isə NATO-nun bu planlarını qarşıdurmaçı və Avropa vergi ödəyiciləri üçün maliyyə yükü kimi qiymətləndirib. Rusiya, NATO-nun bu addımlarının təhlükəsizliyi təmin etməkdən çox, qarşıdurmanı artırmağa xidmət etdiyini iddia edir.
Nigar Rəhimova
18:20 10.06.2025
Oxunuş sayı: 9314
