Tramp Suriyaya qarşı əsas sanksiyaların ləğvini nəzərdə tutan fərman imzalayacaq
ABŞ prezidenti Donald Trampın yaxın günlərdə Suriyaya qarşı tətbiq edilmiş əsas sanksiyaları ləğv edən fərmanı imzalayacağı gözlənilir.
Crossmedia.az xəbər verir ki, bu barədə Al-Monitor nəşrinə danışan iki amerikalı rəsmidən biri məlumat verib.
Söhbət "Suriyaya qarşı sanksiya arxitekturasının tamamilə ləğvindən" gedir. Qərar, Trampın Suriyanın on ildən artıq davam edən vətəndaş müharibəsindən sonra bərpasına dəstək məqsədilə verdiyi vədlə uyğunlaşdırılıb.
Qeyd edək ki, bu addım, Tramp administrasiyası tərəfindən 23 mayda açıqlanmış yumşaldıcı tədbirlərin davamı kimi qiymətləndirilir. Həmin tarixdə ABŞ hökuməti amerikalı vətəndaşların Suriya dövlət qurumları — o cümlədən ölkənin Mərkəzi Bankı, dövlət neft şirkəti və milli hava yolları ilə maliyyə əməliyyatlarında iştirakına icazə verən ümumi lisenziya təqdim etmişdi. Bununla yanaşı, 2020-ci ildə qəbul edilmiş və Bəşşar Əsəd rejimini təcrid etməyə yönəlmiş “Sezar Qanunu”nun müddəalarının altı ay müddətinə dayandırılması da elan edilmişdi.
Xumar Emilqızı
17:45 10.06.2025
Oxunuş sayı: 7849
