Rusiya Ukraynaya qarşı sonsuz misilləmə hücumlarına başlayıb
İyun ayının əvvəlində Ukraynanın strateji bombardman təyyarələrini bazalarında məhv etməsi ilə “karizması çizilən” Rusiya, ötən dörd gecə ərzində ardıcıl olaraq Ukraynaya hava hücumları təşkil edib.
Crossmedia.az xəbər verir ki, Bu barədə CNN Türk məlumat verib.
Ukrayna Hava Qüvvələri Komandanlığının məlumatına görə, əvvəlki gecə Rusiyanın həyata keçirdiyi hücum ən böyük hava hücumu olub. Rusiya tərəfindən bir gecədə Ukrayna üzərinə 479 kamikadze dron göndərilib. Bu dronların 292-si Ukrayna hava müdafiəsi tərəfindən vurularaq məhv edilib.
Hücumda “Şahid” tipli dronlarla yanaşı, təyyarədən buraxılan X-47M2, qurudan atılan X-101 seyir raketi, havadan atılan X-31P və dənizdən gəmidən atılan X-35 raketləri də istifadə olunub.
Hava hücumları paytaxt Kiyev və digər böyük şəhərlərdə hava hücumu xəbərdarlıq siqnallarının çalmasına səbəb olub. Ukrayna tərəfi hava müdafiəsini gücləndirərək hücumlara qarşı mübarizə aparır.
Mütəxəssislər bu hücumları Rusiyanın 1 İyun tarixində strateji bombardman təyyarələrinin məhv edilməsinə cavab reaksiyası kimi qiymətləndirirlər.
Nigar Rəhimova
17:17 10.06.2025
Oxunuş sayı: 8654
