Böyük Britaniya və Qazaxıstan arasında hərbi əməkdaşlıq planı imzalanıb
Böyük Britaniya və Qazaxıstan arasında hərbi əməkdaşlığın gücləndirilməsinə yönəlmiş yeni plan imzalanıb.
Crossmedia.az xəbər verir ki, bu barədə Qazaxıstanın Müdafiə Nazirliyi məlumat yayıb.
Rəsmi məlumata əsasən, sənəd hər iki ölkənin müdafiə nazirlikləri arasında imzalanıb və əməkdaşlığın əsas istiqamətlərini sülhməramlı hazırlıq, ingilis dili üzrə təlimlərin təşkili, həmçinin Qazaxıstan hərbçilərinin Böyük Britaniyanın ali hərbi təhsil müəssisələrində təhsil alması təşkil edir.
Qazaxıstan tərəfi yeni razılaşmanı tərəflər arasında hərbi-siyasi əlaqələrin genişləndirilməsi və Qazaxıstan Silahlı Qüvvələrinin beynəlxalq standartlara uyğunlaşdırılması baxımından mühüm addım kimi dəyərləndirib.
18:19 06.06.2025
Oxunuş sayı: 867
