İran XİN rəhbəri Beyrutda Hizbullah rəsmisi ilə görüşüb
İranın xarici işlər naziri Abbas Əraqçı Beyruta səfəri çərçivəsində Hizbullahın baş katibi Nəim Qasımla görüş keçirib.
Crossmedia.az xəbər verir ki, bu barədə İranın “Tasnim News” agentliyi məlumat yayıb.
Bildirilib ki, görüşdə İranın Livandakı səfiri Müctəba Əmani də iştirak edib. Tərəflər bölgədəki son vəziyyət, o cümlədən regional gərginliklər fonunda İran-Livan münasibətlərini müzakirə ediblər.
A.Əraqçı İranın Livana iqtisadi və siyasi sahələrdə qarşılıqlı hörmət prinsipi əsasında dəstək verməyə hazır olduğunu bildirib.
N.Qasım isə öz növbəsində, Livan xalqına göstərilən davamlı dəstəyə görə Tehrana təşəkkür edib.
20:05 04.06.2025
Oxunuş sayı: 1295
