"Ukraynanın Rusiya aerodromlarına PUA hücumu münaqişəni kəskinləşdirir"
Ukraynanın Rusiyadakı aerodromlara pilotsuz uçuş aparatları ilə hücumu münaqişənin daha da böyüməsi riskini artırır.
Crossmedia.az xəbər verir ki, bu fikirləri ABŞ-ın “Fox News” telekanalına açıqlamasında ABŞ liderinin xüsusi nümayəndəsi Kit Kelloq deyib.
Onun sözlərinə görə, belə hücumlar qarşı tərəfin “sağ qalma sisteminə” birbaşa təhdid yaradır və gələcək gedişatın proqnozlaşdırılmasını çətinləşdirir:
“Əmin deyilsiniz və bunu onlar (Ukrayna) əslində etdilər... Düşünürəm ki, biz bu nöqtəyə gəlmək istəmirdik. Ancaq indi buradayıq. Bu, eskalasiyanın açıq göstəricisidir”.
Kelloq həmçinin bildirib ki, hücum nəticəsində əsasən psixoloji təsir formalaşıb və bu, Rusiya tərəfinin imicinə zərbə vurub:
“Ukrayna bu addımı ilə bir daha göstərdi ki, nə təslim olmaq niyyətindədir, nə də mübarizədən çəkilir. Onlar oyunda qalmağa qadirdirlər”.
19:57 04.06.2025
Oxunuş sayı: 11750
