Misirdə çalışan tədqiqatçı-alim Seymur Nəsirov Crossmedia.az-ın qonağı olub
Misir–Azərbaycan Dostluq Cəmiyyətinin İdarə Heyətinin, Misirdə Azərbaycan Diasporunun sədri və Dünya Azərbaycanlı Alimlər Birliyinin həmtəsisçisi və həmsədri olan tanınmış tədqiqatçı-alim Seymur Nəsirov Crossmedia.az saytının redaksiyasında qonaq olub.
Seymur Nəsirov redaksiyanın əməkdaşlarına geniş müsahibə verib. O, Azərbaycanın beynəlxalq aləmdə tanıdılması, dövlətimizin nüfuzunun möhkəmləndirilməsi istiqamətində görülən işlər, diaspor fəaliyyətinin əhəmiyyəti, diplomatik təşəbbüslər, mədəni və humanitar layihələrin rolu, tolerantlıq və multikultural dəyərlər, eləcə də ölkəmizin ev sahibliyi etdiyi qlobal tədbirlər barədə fikirlərini bölüşüb.
Qeyd edək ki, Seymur Nəsirov uzun illərdir Misirdə elmi və ictimai fəaliyyətlə məşğuldur, azərbaycanlı alimlərin ərəb dünyasındakı irsinin araşdırılması istiqamətində mühüm işlər görür, həmçinin Azərbaycan-Misir münasibətlərinin inkişafında və diaspor siyasətinin gücləndirilməsində xüsusi rol oynayır.
Geniş müsahibə yaxın günlərdə saytımızda dərc olunacaq.
Fatimə Nəbiyeva
08:43 26.05.2025
Oxunuş sayı: 14682
