Emin Əmrullayev Dünya Təhsil Forumunda iştirak edir
Elm və təhsil naziri Emin Əmrullayevin rəhbərlik etdiyi nümayəndə heyəti 18–22 may 2025-ci il tarixlərində Böyük Britaniyanın London şəhərində keçirilən 21-ci Dünya Təhsil Forumunda iştirak edir.
Crossmedia.az bu barədə Elm və Təhsil Nazirliyinə istinadən məlumat verir.
Bildirilib ki, 100-dən çox ölkənin elm və təhsil nazirləri, beynəlxalq təşkilatların nümayəndələri və ekspertlərin iştirakı ilə təşkil edilən forum “Stabillikdən inkişafa doğru: Daha güclü, daha cəsarətli, daha yaxşı təhsili birlikdə qururuq” şüarı altında həyata keçirilir.
Forum çərçivəsində qlobal miqyasda təhsilin qarşısında duran əsas çağırışlar, innovasiya və rəqəmsallaşma, müəllim hazırlığı və beynəlxalq əməkdaşlıq kimi məsələlər müzakirə olunacaq.
09:55 20.05.2025
Oxunuş sayı: 10124
