Özbəkistan Hindistan və Pakistan arasındakı gərginliklə bağlı narahatlığını ifadə etdi
Hindistan və Pakistan arasında artmaqda olan gərginlik fonunda Özbəkistan Respublikasının Xarici İşlər Nazirliyi rəsmi bəyanatla çıxış edib. Nazirlik iki ölkə arasında baş verən son hadisələri narahatlıqla izlədiyini bildirib.
Crossmedia.az xəbər verir ki, bu barədə xarici KİV məlumat yayıb.
Bəyanatda deyilir:
“Özbəkistan Hindistan və Pakistan arasında artan gərginliyi dərin narahatlıqla izləyir. Tərəfləri təmkin nümayiş etdirməyə, sülh və sabitliyin qorunması naminə hərəkət etməyə çağırırıq. Eyni zamanda, vəziyyətin daha da kəskinləşməsinin qarşısını almaq üçün diplomatik dialoqa üstünlük verilməlidir.
Özbəkistan münaqişənin sülh yolu ilə tənzimlənməsi və gərginliyin azaldılması məqsədilə beynəlxalq və ya regional səviyyədə atılan bütün təşəbbüsləri dəstəkləməyə hazırdır”.
Qeyd edək ki, bu bəyanat bölgədə sülhün və təhlükəsizliyin qorunması üçün diplomatiyanın əhəmiyyətinə bir daha diqqət çəkir.
Fatimə Məmmədova
11:10 08.05.2025
Oxunuş sayı: 7584
