ABŞ-nin vitse-prezidenti: "İran ya nüvə silahı proqramından əl çəkəcək, ya da heç bir razılaşma olmayacaq”
Çərşənbə axşamı Vaşinqtonda keçirilən Münhen Təhlükəsizlik Konfransı zamanı ABŞ-nin vitse-prezidenti J.D.Vens bəyan edib ki, ABŞ yalnız Tehranın nüvə silahı proqramından tamamilə imtina etdiyi təqdirdə İslam Respublikası ilə razılaşmaya hazır olacaq.
Crossmedia.az xarici mediaya istinadən xəbər verir ki, İran rəsmiləri ilə danışıqların son raunduna toxunan Vens Tehranın son reaksiyalarından məmnun olduğunu bildirərək deyib: “Bu proses aydın son nöqtəyə çatmalıdır, ya İran nüvə silahı proqramından əl çəkəcək, ya da heç bir razılaşma olmayacaq.
Nüvə enerjisindən dincməqsədli istifadə məqbuldur, lakin dünyada elə bir ölkə yoxdur ki, uranı tam zənginləşdirmə dövrü olsun və nüvə silahına malik olmasın. Ona görə də bizim qırmızı xəttimiz çox aydındır: İran nüvə bombası yaratmaq üçün texniki imkanlara nail olmamalıdır".
09:56 08.05.2025
Oxunuş sayı: 764
