Aİ-dən İsrailə sərt çağırış: Blokadanı dərhal aradan qaldırın!
Avropa İttifaqı (Aİ) Komissiyası İsraili Qəzza zolağında tətbiq etdiyi blokadanı beynəlxalq humanitar hüquqa uyğun olaraq dərhal aradan qaldırmağa çağırıb.
Crossmedia.az xəbər verir ki, Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallas, Aralıq dənizi üzrə komissarı Dubravka Suica və Bərabərlik, Hazırlıq və Böhranların İdarə Edilməsi üzrə komissarı Hadja Lahbib Qəzzadakı humanitar vəziyyətlə bağlı birgə bəyanat yayıblar.
Bəyanatda bildirilir ki, artıq iki aydan çoxdur Qəzza zolağına heç bir humanitar yardım daxil ola bilmir və bu, bölgədə “ən uzunmüddətli humanitar kəsinti” hesab olunur.
BMT-yə bağlı təşkilatlar aclığın sürətlə yayıldığını, qida və təmiz su çatışmazlığının kəskinləşdiyini bildirib.
Açıqlamada əlavə olunur ki, humanitar yardım nə siyasiləşdirilməli, nə də hərbiləşdirilməlidir. Onun müharibə alətinə çevrilməsi beynəlxalq hüquqa ziddir və yolverilməzdir.
Aybəniz Səfərova
22:58 07.05.2025
Oxunuş sayı: 1210
