"Rusiyaya yenidən etibar etməyəcəyik” - Von der Leyen Rusiya yanacağına qarşı çıxdı
Avropa Komissiyasının Prezidenti Ursula von der Leyen bildirib ki, Ukraynadakı müharibə bitdikdən sonra Rusiyadan yenidən enerji resursları almaq “tarixi bir səhv” olardı. O, Rus fosil yanacaqlarının dövrünün Aİ-də sona çatdığını vurğulayıb.
Crossmedia.az xarici mediaya istinadən bildirir ki, von der Leyen Strasburqda Avropa Parlamentinə müraciətində bəzi dairələrin Rus enerji resurslarının yenidən istifadəsini təklif etdiyini, lakin bunun qəbuledilməz olduğunu deyib. O, Rusiyanın etibarsız enerji təchizatçısı olduğunu bir neçə dəfə sübut etdiyini xatırladıb.
2022-ci ildəki işğaldan sonra Aİ Rus enerjisinə qarşı geniş sanksiyalar tətbiq etdi. Lakin ötən il Aİ ölkələri Rusiyadan alınan enerjiyə 23 milyard avro xərcləyib, bu isə Ukraynaya edilən hərbi yardımı geridə qoyub.
Xüsusilə LNG idxalı artır – bu qazın böyük hissəsi Fransa, İspaniya və Belçikaya yönəlir. Rusiya bu yolla qaz gəlirlərinin 52%-ni Aİ-dən əldə edir.
Von der Leyen Komissiyanın 2027-ci ilin sonuna qədər Rusiya enerjisinə tam son qoymaq üçün plan hazırladığını, Ukraynanın mövqeyini gücləndirməyin Avropa üçün strateji vacib məsələ olduğunu bildirib.
Fatimə Nəbiyeva
14:55 07.05.2025
Oxunuş sayı: 6597
