İsrail ordusu Qəzzada məktəbə hücum edib: Ölənlər var
İsrail ordusunun Qəzza zolağında həyata keçirdiyi hava hücumu nəticəsində 7 fələstinli həlak olub.
Crossmedia.az xarici KİV-ə istinadən xəbər verir ki, hücum Qəzzanın şərqində yerləşən Tuffah məhəlləsində baş verib.
Hədəf məcburi köçkünlərin sığındığı “Əl-Kərame” məktəbi olub.
Fələstin Səhiyyə Nazirliyinin yaydığı məlumata görə, hücum nəticəsində azı 7 nəfər həyatını itirib, bir neçə nəfər isə yaralanıb. Yaralıların vəziyyəti barədə ətraflı məlumat verilməyib.
Qeyd edək ki, münaqişə bölgəsində mülki infrastrukturun, xüsusilə də məktəb və xəstəxanaların hədəf alınması beynəlxalq hüquqa zidd hesab olunur.
Aybəniz Səfərova
12:06 07.05.2025
Oxunuş sayı: 1149
