ABŞ Hindistan və Pakistan arasında müharibə təhlükəsi fonunda ikili mövqe ilə qarşı-qarşıyadır
Hindistanın Pakistan ərazisinə raket zərbələri endirməsi və iki ölkə arasında artan gərginlik Birləşmiş Ştatları çətin vəziyyətə salıb. Bir tərəfdən strateji tərəfdaşı və “sevimli lider” kimi təqdim olunan Hindistanın Baş naziri Narendra Modiyə dəstək verən Vaşinqton, digər tərəfdən isə müharibənin qarşısını almaq və sülh çağırışları etmək məcburiyyətindədir.
Crossmedia.az xarici mediaya istinadən bildirir ki, ABŞ Prezidenti Donald Tramp Hindistan və Pakistan arasında baş verən qarşılıqlı hücumlarla bağlı açıqlama verib. O bildirib ki, iki ölkə arasında mülki əraziləri hədəf alan zərbələr utancvericidir və vəziyyətin bu həddə çatması beynəlxalq ictimaiyyət üçün təhlükəlidir. Tramp ABŞ-ın əvvəllər verdiyi vədləri yerinə yetirə bilmədiyini və bu kimi münaqişələrə təsir imkanlarının zəif olduğunu da etiraf edib.
Hazırkı administrasiya isə bölgədə müharibənin genişlənməsinin qarşısını almağa çalışır. ABŞ Dövlət Departamenti hər iki ölkəyə təmkinli olmağı və sülh danışıqlarına qayıtmağı tövsiyə edib. Lakin Vaşinqtonun Modiyə olan siyasi və iqtisadi bağlılığı, tərəfsiz mövqe nümayiş etdirməsini çətinləşdirir.
Analitiklər bildirirlər ki, Hindistan-Pakistan münaqişəsi yalnız regional təhlükəsizlik deyil, həm də qlobal güclər üçün ciddi diplomatik sınaqdır. ABŞ bu münaqişədə balanslı siyasət aparmasa, həm nüfuzuna, həm də maraqlarına zərbə dəyə bilər.
Fatimə Nəbiyeva
10:22 07.05.2025
Oxunuş sayı: 1041
