Pakistan müdafiə naziri Hindistanla münaqişənin qaçılmaz olduğunu bildirib
Pakistanın müdafiə naziri Xavaca Asıf Hindistanla əlaqəli kəskin açıqlamalarla çıxış edib. O, iki ölkə arasında qarşıdurmanın qaçılmaz olduğunu deyib və Hindistanın su ehtiyatlarına müdaxilə etməyə cəhd edəcəyi təqdirdə, Pakistanın sərt cavab verəcəyini vurğulayıb.
Crossmedia.az xarici mediaya istinadən bildirir ki, Xavaca Asıf Hindistanın su resurslarını bloklamaq məqsədilə tikinti işləri aparacağı halda, həmin obyektlərin məhv ediləcəyini bəyan edib: “Əgər Hindistan suyu dayandırmaq üçün nəsə inşa edərsə, Pakistan onu məhv edəcək”, — deyə nazir bildirib.
Onun bu açıqlamaları Cənubi Asiya regionunda gərginliyin artdığı bir vaxtda səslənib və ekspertlər arasında ciddi müzakirələrə səbəb olub. Pakistanla Hindistan arasında onsuz da həssas olan münasibətlərin bu bəyanatdan sonra daha da gərginləşəcəyi gözlənilir.
Fatimə Nəbiyeva
22:42 06.05.2025
Oxunuş sayı: 11441
