ABŞ prezidenti: Husilər Amerika gəmilərinə hücum etməyəcəklərini bildiriblər
ABŞ prezidenti Donald Tramp bildirib ki, Yəməndə fəaliyyət göstərən və İran tərəfindən dəstəklənən husilər Vaşinqtona məktub göndərərək Amerika hərbi gəmilərinə hücum etməyəcəklərini vəd ediblər.
Crossmedia.az xəbər verir ki, Tramp bu barədə çərşənbə axşamı Ağ Evdə Kanadanın baş naziri Mark Karni ilə görüşdən sonra jurnalistlərə açıqlamasında deyib:
“Onlar bizə məktub göndəriblər və bildiriblər ki, ‘Zəhmət olmasa, bizi daha bombalamayın. Biz artıq sizin gəmilərinizə hücum etməyəcəyik”, – deyə Tramp qeyd edib.
ABŞ prezidenti əlavə edib ki, bununla əlaqədar olaraq, ABŞ ordusu husilərin Yəməndəki mövqelərinə hava zərbələrini dayandıracaq.
22:08 06.05.2025
Oxunuş sayı: 9626
