Səudiyyə Ərəbistanı aviaşirkəti illər sonra İrana uçuşları bərpa edir
Səudiyyə Ərəbistanının aparıcı hava yollarından biri olan “Flynas” 10 illik fasilədən sonra İrana birbaşa sərnişin uçuşlarını bərpa edəcəyini açıqlayıb.
Crossmedia.az Ərəbistan mətbuatına istinadən xəbər verir ki, Aviaşirkətin Tehrana ilk uçuşu mayın 8-də baş tutacaq.
Bu addım, uzun illər davam edən diplomatik gərginliyin ardından Çin və Omanın vasitəçiliyi ilə ötən il başlayan yaxınlaşma prosesinin davamı kimi qiymətləndirilir. Tehran və Ər-Riyad arasında münasibətlərin normallaşması həm siyasi, həm də iqtisadi sahələrdə əməkdaşlığın genişlənməsinə şərait yaradıb.
Qeyd edək ki, bu qərar iki ölkə arasında sülh və dialoq mühitinin gücləndirilməsi istiqamətində mühüm addım hesab olunur.
Mədinə Cəlilova
20:50 06.05.2025
Oxunuş sayı: 11582
