Fəlsəfə və Sosiologiya İnstitutunda Ulu Öndәr Heydәr Әliyevə həsr edilmiş tədbir keçirilib
Mayın 2-də AMEA-nın Fəlsəfə və Sosiologiya İnstitutunda YAP Yasamal rayon Fəlsəfə və Sosiologiya İnstitutu üzrə ərazi partiya təşkilatı tərəfindən Ulu Öndәr Heydәr Әliyevin anadan olmasının 102-ci ildönümünə həsr edilmiş tədbir keçirilib.
Bu barədə Crossmedia.az AMEA-ya istinadən xəbər verir.
Tədbirdə çıxış edən Fəlsəfə və Sosiologiya İnstitutunun direktoru professor İlham Məmmədzadə müasir Azərbaycanın dövlət quruculuğunu, iqtisadi dirçəliş, ictimai-siyasi və sosial həyatda tərəqqi dövrünü əhatə edən bütöv bir epoxasının Ümummilli Lider Heydər Əliyevin adı ilə sıx bağlı olduğunu bildirib. Professor çıxışında Ulu Öndərin dövlətçiliyimiz qarşısında tarixi xidmətlərinin hələ sovet hakimiyyəti illərində Azərbaycana rəhbərlik etdiyi dövrdən başladığını, hakimiyyətə qayıtdıqdan sonra isə dövlət müstəqilliyimizin xilaskarına çevrildiyini real faktlarla əsaslandırıb.
Fəlsəfə və Sosiologiya İnstitutu İdrak nəzəriyyəsi və məntiq şöbəsinin müdiri fəlsəfə elmləri doktoru Füzuli Qurbanov Prezident İlham Əliyevin siyasi liderlik təcrübəsinin elmi-fəlsəfi mahiyyətindən, Beynəlxalq münasibətlər və geosiyasət şöbəsinin müdiri dosent Ramilə Dadaşova Ulu Öndərin Qafqazda sülh və təhlükəsizlik məsələlərinin həllində əvəzsiz rolundan, institutun YAP ərazi partiya təşkilatının sədri dosent Şölət Zeynalov Prezident İlham Əliyevin xarici siyasətində dialoq ideyalarının elmi-nəzəri və praktiki əsaslarından, AMEA Azad Həmkarlar İttifaqının sədri dosent Sənan Həsənov Heydər Əliyev irsinin institutda daim geniş tədqiqat obyektinə çevrildiyindən, bu irsin ümumbəşəri miqyasından söz açıblar.
Digər çıxış edənlər Ulu Öndərin məfkurəsinin, onun dövlətçilik fəlsəfəsinin daim yaşayacağını qeyd ediblər.
20:26 02.05.2025
Oxunuş sayı: 10203
