BDU “Orhun” mübadilə protokolu üzrə əməkdaşlığı genişləndirir
Bakı Dövlət Universiteti (BDU) ilə Qazaxıstanın Hoca Əhməd Yəsəvi Beynəlxalq Türk-Qazax Universiteti arasında “Orhun” mübadilə protokolu imzalanıb.
Crossmedia.az BDU-ya istinadən bildirir ki, protokol çərçivəsində akademik heyətin, təhsilalanların və tədqiqatçıların mübadiləsi nəzərdə tutulur.
Qazaxıstanın nüfuzlu universitetlərindən biri olan Hoca Əhməd Yəsəvi Beynəlxalq Türk-Qazax Universitetinin əsası 1991-ci ildə qoyulub. Hazırda universitetdə 9 fakültə fəaliyyət göstərir. Bu universitet “QS Dünya Universitetləri Reytinqi”ndə 801-850-ci pillələrdə yer alır.
Protokolu BDU-nun rektoru Elçin Babayev və Qazaxıstanın Hoca Əhməd Yəsəvi Beynəlxalq Türk-Qazax Universitetinin rektoru Zhanar Temirbekova imzalayıblar.
13:47 30.04.2025
Oxunuş sayı: 804
