ABŞ qırıcısının Qırmızı dənizdə itirilməsinə husilərin hücumu səbəb olub
ABŞ-yə məxsus F/A-18 Super Hornet qırıcı təyyarəsinin Qırmızı dənizdə itirilməsi husilərin hücumu ilə bağlıdır.
Crossmedia.az xəbər verir ki, bu barədə CNN yazıb.
Təyyarə “Harry Truman” aviadaşıyıcısından dənizə düşüb. Hadisə təyyarə göyərtədə yerini dəyişərkən baş verib. Bildirilir ki, gəmiyə Yəmənli husilər tərəfindən pilotsuz uçuş aparatları və raketlərlə hücum cəhdi edilib. Hücumdan yayınmaq üçün gəmi kəskin manevr edib. Bu da təyyarənin itirilməsinə səbəb ola bilər.
Qeyd edək ki, 60 milyon dollardan çox dəyəri olan təyyarə dənizin dibinə çöküb. Hadisə zamanı bir dənizçi yüngül xəsarətlər alıb.
Fatimə Məmmədova
15:30 29.04.2025
Oxunuş sayı: 7789
