Sabah Xocasən qəsəbəsində oftalmoloji aksiya keçiriləcək
Səhiyyə Nazirliyi və akademik Zərifə Əliyeva adına Milli Oftalmologiya Mərkəzinin birgə təşəbbüsü, Azərbaycan Oftalmoloqlar Cəmiyyəti və Milli Oftalmologiya Mərkəzinin təşkilatçılığı, həmçinin Qaçqınların və Məcburi Köçkünlərin İşləri üzrə Dövlət Komitəsinin dəstəyi ilə aprelin 29-da Xocasən qəsəbəsində tibbi aksiya keçiriləcək.
Milli Oftalmologiya Mərkəzindən verilən məlumata görə, tibbi aksiyanın əsas məqsədi vətəndaşların sağlamlıq problemlərinin erkən mərhələdə aşkarlanması, xüsusilə göz xəstəliklərinin vaxtında diaqnostika olunaraq qarşısının alınmasıdır. Pasiyentlərin ilkin müayinəsi aparılacaq, ehtiyac olduqda isə onlar daha geniş müalicə və cərrahi xidmətlər üçün Milli Oftalmologiya Mərkəzinə yönləndiriləcəklər.
Akademik Zərifə Əliyevanın anadan olmasının 102-ci ildönümünə həsr edilmiş tədbirlər çərçivəsində keçirilən aksiyada Mərkəzin müasir diaqnostik və cərrahi avadanlıqlarla təchiz olunmuş Avtomobil Səyyar Klinikası vasitəsilə aztəminatlı ailələrə təmənnasız tibbi xidmətlər göstəriləcək.
17:58 28.04.2025
Oxunuş sayı: 709
