Netanyahu may ayında Azərbaycana səfər edəcək
İsrail Baş naziri Benyamin Netanyahu may ayında Azərbaycana rəsmi səfər edəcək. Səfər çərçivəsində onun Azərbaycan Prezidenti İlham Əliyevlə görüşəcəyi bildirilib.
Crossmedia.az İsrail mediasında yer alan xəbərlərə istindən bildirir ki, Netanyahu Bakıda keçiriləcək görüşlərdə İbrahim Anlaşmaları, Azərbaycan vasitəçiliyi ilə Türkiyə və İsrail arasında baş tutan Suriya müzakirələri və ikitərəfli münasibətlərin inkişafı məsələlərini gündəmə gətirəcək.
Görüşdə Azərbaycanın İbrahim Anlaşmalarına və bu çərçivədəki təşəbbüslərə rəsmi olaraq qoşulması və iki ölkə arasında əməkdaşlığın daha da dərinləşdirilməsi məsələlərinin də müzakirə ediləcəyi gözlənilir.
Qeyd edək ki, Azərbaycan Prezidenti İlham Əliyev aprel ayının əvvəlində Türkiyə Prezidenti Rəcəb Tayyib Ərdoğan və Suriya Prezidenti Əhməd Əş-Şara ilə eyni gün görüşlər keçirmişdi.
Mədinə Cəlilova
21:59 25.04.2025
Oxunuş sayı: 694
