14-cü “Mobillik qrantı” müsabiqəsinin nəticələri açıqlanıb
Azərbaycan Elm Fondunun 2025-ci ildə elan etdiyi elmi tədbirlərdə iştirak və xaricdə qısamüddətli təcrübə keçmələri əhatə edən 14-cü “Mobillik qrantı” müsabiqəsinin nəticələrinə yekun vurulub.
14-cü “Mobillik qrantı” müsabiqəsinə layihələr alimlər tərəfindən “online” şəkildə ASAN imzanın inteqrasiya edildiyi “e- Qrant” - “Qrant layihələrinin elektron idarəolunması sistemi” vasitəsilə təqdim olunub.
Nəticələr Fondun Müşahidə Şurası tərəfindən təsdiq edildikdən sonra 14-cü “Mobillik qrantı” müsabiqəsi üzrə ümumi maliyyələşdirilmə həcmi 91 500 manat olan 8 qalib layihə müəyyənləşdirilib.
14-cü “Mobillik qrantı” müsabiqəsində qalib olan layihələr xaricdə qısamüddətli elmi təcrübəkeçmə və elmi tədbirlərdə iştirak ilə bağlı layihələrdir. Qaliblərdən 5-i qadındır.
Qaliblər Elm və Təhsil Nazirliyin Kimya İnstitutu, Fizika İnstitutu, AMEA-nın Arxeologiya və Antropologiya İnstitutu, Bakı Dövlət Universiteti, Azərbaycan Tibb Universiteti, Azərbaycan Dövlət Neft və Sənaye Universitetini təmsil edirlər.
14-cü “Mobillik qrantı”nın qalibləri Türkiyə, Almaniya və Sinqapurda xaricdə qısamüddətli təcrübəkeçmədə və elmi tədbirlərdə iştirak edəcəklər.
“Mobillik qrantı” üzrə müsabiqələrin keçirilməsində məqsəd Azərbaycanda elmin inkişafını dəstəkləmək, alimlərin xaricdə təcrübə keçməsini və tədbirlərdə iştirakını stimullaşdırmaq, beynəlxalq elmi əlaqələr qurulmasına şərait yaratmaq və ölkənin elmi kadr potensialını daha da gücləndirməkdir.
17:50 25.04.2025
Oxunuş sayı: 817
