"Əvvəlki sistemə qayıdış mümkün deyil – ABŞ Maliyyə Naziri yeni dövrə hazırlıq çağırışı edir"
"Amerikalıların ən zəngin 10%-i səhmlərin 88%-nə sahibdir. Növbəti 40% birjanın 12%-nə sahibdir. Aşağı təbəqə sayılan yerdə qalan 50 faizin isə borcu var. 2024-cü ilin yayında tarixdə heç vaxt olmadığı qədər çox amerikalı qida banklarından istifadə edirdi. İqtisadiyyat steroidlərlə məşğul olan bodibilder kimi idi. Kənardan gözəl görünsə də, daxildən həyati orqanlarını öldürürdü. İqtisadiyyatı şişirtməyə davam etmək, daha çox borc götürmək və daha çox dövlət işçisi işə götürmək asan olardı. Bütün bunlar sonda fəlakətlə nəticələnəcək. Biz isə o fəlakətdən yayınmağa çalışırıq. Pis ilə ən pis arasında seçim etməliyik".
Crossmedia.az xarici KİV-ə istinadən xəbər verir ki, bu sözləri ABŞ-nin Maliyyə Naziri deyib.
O, həmçinin, "Bir çox ticarət tərəfdaşlarımız, o cümlədən bəzi müttəfiqlərimiz vicdanlı tərəfdaşlar deyildilər. Tariflər bu qədər pisdirsə, niyə uzun illərdir bizə tətbiq edirsiniz? Əgər tarifin hesabını siz deyil, amerikalı istehlakçı ödəyəcəksə, o zaman tarifə niyə əhəmiyyət verirsiniz? ABŞ və Çin arasında “yuxu ssenarisi” nədir? Çin daha çox istehlak edəcək və daha az istehsal edəcək. Biz daha az istehlak edirik və daha çox istehsal edəcəyik. Amerikalıların gəliri son 30 ildə azalıb. Son illərdə bütün dünyanın yükünü Amerika istehlak sinifi daşıyıb. Bir çox Avropalı müttəfiq dövlətlər isə rahatca öz rifahlarını davam etdirib və inkişaf ediblər. Bu isə bundan sonra bu qədər sadə olmayacaq. Təbii ki, baş verənlər bizim üçün itkilərlə nəticələnəcək amma bu stressli keçid dövrünü keçməliyik. Əvvəlki sistemə qayıdışı artıq mümkün deyil", - deyə, qeyd edib.
16:58 06.04.2025
Oxunuş sayı: 1267
