İranlı millət vəkili nüvə silahının yaradılmasına dair çağırış etdi
Bu gün İran parlamentinin plenar iclasında millət vəkili Məhəmmədqasım Osmani deyib ki, “İranın milli və dini müstəqilliyinin və qürurunun sarsıdılmasının qarşısını alacaq bir yol seçmək lazımdır”.
Crossmedia.az bununla bağlı İran mediasına istinadən məlumat verir.
Parlament üzvü İranın çəkindiricilik yaratması üçün nüvə silahını tez bir zamanda əldə etməsinə çağırış edərək deyib:
“Hərbi qarşıdurmadan qaçmaq ağıl və məntiqin şərtidir, lakin qlobal təkəbbürün həddi aşması elədir ki, onlar bu yoldan başqa yol qoymurlar. Dünya təkəbbürünün zülmünə müqavimət göstərmək üçün vasitələrə sahib olmalıyıq. Nüvə silahının yaradılması istiqamətində davamlı olaraq hərəkət etmək lazımdır. bu gün nüvə biliyi bizi danışıqlar üçün bərabər şərtlərə gətirməlidir”.
16:20 06.04.2025
Oxunuş sayı: 1224
