Nissan Donald Trampın ticarət tariflərindən yayınır
Yaponiyanın avtomobil nəhəngi Nissan, ABŞ prezidenti Donald Trampın ticarət tarifləri ilə bağlı siyasətindən yayınmaq məqsədilə istehsalın bir hissəsini ABŞ ərazisinə köçürməyi nəzərdən keçirir.
Crossmedia.az xəbər verir ki, bu barədə “Nikkei” nəşri məlumat yayıb.
Məlumata görə, şirkət əvvəllər azaldılması planlaşdırılan ABŞ-dəki istehsal gücünün bir hissəsini də bərpa edəcək. Eyni zamanda, ABŞ-də məşhur olan Rogue SUV modellərinin hazırlandığı Yaponiyanın Fukuoka şəhərində yerləşən zavodda istehsal həcmi azaldılacaq.
Nissan, ABŞ-də əlavə iş yerlərinin yaradılması ilə bağlı Ağ Ev rəsmiləri ilə ilkin danışıqlara başlayıb. Şirkətin bu addımı ABŞ bazarındakı mövqeyini gücləndirmək və potensial tarif risklərindən qorunmaq məqsədi daşıyır.
13:37 06.04.2025
Oxunuş sayı: 10481
