Sabiq millət vəkili Xameneyini tənqid etdi
İranın sabiq millət vəkili, tanınmış siyasətçi və akademik Əli Mütəhhəri ölkənin ali rəhbəri Ayətullah Əli Xameneyinin ABŞ-lə danışıqlara münasibətini tənqid edib.
Crossmedia.az xarici mənbəyə istinadən xəbər verir ki, Mütəhhəri İran Prezidenti Məsud Pezeşkianın təşəbbüs göstərməli olduğunu bildirərək deyib:
“Biz daim rəhbərin nə deyəcəyini gözləyirik və nəticədə eyni yanaşmanı təkrarlayırıq. Halbuki prezidentin ‘mən hazıram’ demək səlahiyyəti var. Pezeşkian danışıqların məqsədəuyğun olduğunu açıq şəkildə ifadə etməlidir”.
O, eyni zamanda ABŞ prezidenti Donald Trampın hələlik İranla bağlı konkret mövqe ortaya qoymadığını xatırladaraq, rəsmi Tehranın mümkün razılaşmalar üçün vaxt itirmədən iradə nümayiş etdirməsinin vacibliyini vurğulayıb.
Əli Mütəhharinin çıxışı İran siyasi elitasında ABŞ-lə münasibətlərə dair fikir ayrılıqlarının hələ də aktual olduğunu bir daha gündəmə gətirib.
11:35 06.04.2025
Oxunuş sayı: 9831
