Zelenski Britaniya və Fransa hərbi rəhbərləri ilə təhlükəsizlik kontingentini müzakirə edib
Ukrayna Prezidenti Volodimir Zelenski Kiyevdə Böyük Britaniyanın Müdafiə Qərargah rəisi admiral Antoni Radakin və Fransanın Baş Qərargah rəisi general Tyerri Burkarla görüş keçirib. Görüşdə Ukrayna hərbi rəhbərliyi də iştirak edib.
Crossmedia.az xarici mediaya istinadən xəbər verir ki, əsas müzakirə mövzusu müharibədən sonrakı dövrdə Qərb hərbi qüvvələrinin Ukraynada yerləşdirilməsi ilə bağlı təhlükəsizlik kontingentinin formalaşdırılması olub.
Zelenski bildirib ki, Ukraynanın təhlükəsizliyinin təmin edilməsi istiqamətində nəzərəçarpacaq irəliləyiş əldə olunub: “Partnyor təhlükəsizlik kontingentinin necə yerləşdirilə biləcəyi ilə bağlı ilk təfərrüatlar və razılaşdırılmış məqamlar artıq mövcuddur.”
Görüş Ukrayna ilə Qərb müttəfiqləri arasında postmüharibə təhlükəsizlik mexanizmlərinin qurulmasında yeni mərhələnin başlandığını göstərir.
11:59 06.04.2025
Oxunuş sayı: 10415
