Mehmet Öz tarix yazdı: ABŞ-də səhiyyə sahəsində ilk türk imzası
ABŞ Senatı türkəsilli amerikalı həkim və aparıcı Mehmet Özü “Medicare” və “Medicaid” Xidmət Mərkəzinə sədr vəzifəsinə təsdiqləyib.
Crossmedia.az türk mətbuata istinadən xəbər verir ki, Senatda baş tutan səsvermədə M.Öz səs çoxluğu ilə (53 lehinə, 45 əleyhinə) səslə qalib gəlib.
Ölkədə yaşlılara və az gəlirli qruplara tibb xidməti göstərəcək ən üst qurumları idarə edəcək Öz bu vəzifəyə gətirilən ilk türkdür.
Tramp onun namizədliyini irəli sürərkən demişdi: “Həkim Özlə uzun illərdir tanışam və əminəm, o, Amerikada hər kəsin ən yaxşı səhiyyə xidmətini alması üçün mübarizə aparacaq ki, ölkəmiz yenidən böyük və sağlam olsun!”
Qeyd edək ki, ürək-damar cərrahı və televiziya siması olan Öz, Trampın dəstəyi ilə 2022-ci ildə Pensilvaniyada Senata namizəd olsa da, uğur qazana bilməmişdi.
10:33 06.04.2025
Oxunuş sayı: 1091
