Makron: "Trampla tariflər mövzusunda dialoqu əlaqələndirməkdə razılaşmışıq"
Fransa Prezidenti Emmanuel Makron qlobal iqtisadi gərginlik fonunda ABŞ prezidenti Donald Trampın tarif siyasəti ilə bağlı Avropa liderləri ilə koordinasiyalı fəaliyyət göstərmək barədə razılığa gəldiklərini bildirib.
Crossmedia.az xarici KİV-ə istinadən xəbər verir ki, o, bildirib:
“Tariflərlə bağlı Trampla dialoqda səyləri əlaqələndirmək barədə həmkarlarımla razılaşmışıq”.
Prezident əlavə edib ki, beynəlxalq qeyri-müəyyənlik və çaxnaşma dövründə qlobal sarsıntılar qarşısında birlikdə hərəkət etmək vacibdir: “Bu gün Britaniyanın Baş naziri Keir Starmer ilə, iki gün əvvəl isə Avropa Komissiyasının sədri Ursula fon der Leyen ilə danışmışam”.
Makron qeyd edib ki, ABŞ-nin tətbiq etdiyi tariflər qlobal iqtisadiyyata təsir göstərməkdə davam edir: “Biz Trampla bağlı mövqeləri hərtərəfli müzakirə etmək vətəndaşlarımızı və bizneslərimizi qorumaq üçün birləşmək və qətiyyət nümayiş etdirmək niyyətindəyik”.
09:44 06.04.2025
Oxunuş sayı: 994
