Pezeşkian: “İran bərabərtərəfli dialoq tərəfdarıdır”
İran prezidenti Məsud Pezeşkian ABŞ-nin danışıqlarla bağlı yanaşmasına münasibət bildirib.
Crossmedia.az İran mediasına istinadən xəbər verir ki, o, Tehranın yalnız bərabər mövqedən aparılan dialoqu qəbul etdiyini bəyan edib.
“İran bərabər mövqedən dialoq istəyir. Onların bir tərəfdən İranı təhdid edib, digər tərəfdən danışıqlar aparmaq istəməsini yox. Danışıqlar istəyirsənsə, hədələməyin nə mənası var? Bu gün Amerika təkcə İranı deyil, bütün dünyanı təhqir edir,” – deyə Pezeşkian vurğulayıb.
O, həmçinin İran xalqının ağır iqtisadi vəziyyətinə də toxunaraq bildirib ki, hökumət dolanışıq problemlərinin həlli üçün xüsusi proqramlar hazırlayır: “İnsanların iqtisadi vəziyyəti yaxşı deyil. Bu il keçən ilə nisbətən daha çox məhsuldarlıq və səmərəlilik üzərində işləməliyik,” – deyə prezident qeyd edib.
08:21 06.04.2025
Oxunuş sayı: 1877
