Türkiyə süni intellektdə yeni mərhələyə keçir
Türkiyə süni intellekt sahəsində irəliyə doğru mühüm addım atmağa hazırlaşır. Ölkə, ARF adlı super kompüterə kvant kompüterini inteqrasiya edərək elmi tədqiqat imkanlarını genişləndirməyi planlaşdırır.
Crossmedia.az xəbər verir ki, bu barədə TRT Haber məlumat yayıb.
Sənaye və Texnologiya Nazirliyinin strategiyasına əsasən, süni intellekt texnologiyaları elmi-tədqiqat və innovasiya sahəsində prioritet istiqamətlərdən biri hesab olunur.
Qeyd edək ki, artıq istifadəyə verilən ARF sistemi 80 mindən çox prosessor nüvəsi, 312 qrafik prosessor və 14 petabayt yaddaşla təchiz olunub. Bu sistem təxminən 40 min noutbukun gücünə bərabər hesablama imkanları təqdim edir.
İnteqrasiya ediləcək kvant kompüteri isə ən azı 20 süperkeçirici kubitdən ibarət olacaq və ARF-ə qoşularaq tədqiqatlarda yeni imkanlar yaradacaq.
Hazırda ARF, TRUBA e-infrastruktur sistemi çərçivəsində iqlim, tibb, biotexnologiya kimi sahələrdə istifadə olunur. Həmçinin, ARF-ACC klasteri süni intellekt sahəsində çalışan tədqiqatçılara dəstək verir.
Bütün bu addımlar Türkiyənin bu sahədə qlobal səviyyədə güclənəcəyindən xəbər verir.
Fatimə Məmmədova
21:25 05.04.2025
Oxunuş sayı: 12002
