Fələstin: İsrail 17 mindən çox uşağı öldürüb
Fələstin Təhsil Nazirliyi bildirib ki, İsrail 7 oktyabr 2023-cü ildən bu yana Qəzza zolağında 17 mindən çox uşağı öldürüb. Onların əksəriyyəti məktəbli şagirdlər olub.
Crossmedia.az xəbər verir ki, bu barədə məlumatı TRT Haber yayıb.
Bu açıqlama 5 Aprel – Fələstin Uşaqları Günü münasibətilə yayımlanıb. Nazirlik qeyd edib ki, İsrailin hücumlarında əsas hədəflərdən biri uşaqlar və təhsil sistemidir. Qəzzada məktəblər dağıdılıb, uşaqların təhlükəsiz şəkildə məktəbə getməsi əngəllənib.
Həmçinin Qüds, Qərb Şəriə və Cenin, Tülkərəm, Xəlil, Məsəfir Yatta kimi bölgələrdə uşaqlar hər gün təzyiqlərlə üzləşir, təhsil hüquqlarından məhrum qalırlar.
Nazirlik əlavə edib ki, Qəzzada uşaqlar bütün çətinliklərə baxmayaraq təhsildən əl çəkmir. Onların təhsilini davam etdirmək üçün onlayn dərslərlə dəstək verilməyə çalışılır.
Bildirilib ki, hücumlarda həlak olanların 60 faizi qadın və uşaqlardır.
Fatimə Məmmədova
20:39 05.04.2025
Oxunuş sayı: 11741
