Çin ABŞ şirkətlərinə sanksiya tətbiq etdi
Çin ABŞ-nin Çin məhsullarına əlavə 34 faiz gömrük rüsumu tətbiq etməsinə cavab olaraq, bəzi ABŞ şirkətlərinə qarşı sanksiyalar elan edib.
Crossmedia.az xəbər verir ki, bu barədə TRT Haber məlumat yayıb.
Çin Ticarət Nazirliyinin məlumatına görə, 27 ABŞ şirkəti qara siyahıya salınıb. Onlardan 16-sının məhsullarının ixracına qadağa qoyulub, 11-i isə "etibarsız təşkilatlar" siyahısına əlavə edilib. Bu şirkətlər əsasən pilotsuz uçuş aparatları, müdafiə və texnologiya sahəsində fəaliyyət göstərir.
Çin bildirib ki, bu qərar ölkənin təhlükəsizliyini qorumaq məqsədi daşıyır. Eyni zamanda ABŞ və Hindistandan bəzi tibbi cihazlara qarşı da istintaq başladılıb.
Qeyd edək ki, bu addım ABŞ-nin Çin məhsullarına tətbiq etdiyi yüksək gömrük rüsumlarından sonra atılıb.
Fatimə Məmmədova
20:27 05.04.2025
Oxunuş sayı: 10937
