Xarici xəbərlər

İddia: Dünyada daha bir müharibə başlaya bilər, qoşun yığılır

Efiopiyanın dənizə çıxış əldə etmək istəyi qonşu Eritreya ilə gərginliyi artırıb. Son aylarda Eritreya orduda səfərbərlik elan edib, Efiopiya isə sərhədə qoşun və tanklar yerləşdirib.

Crossmedia.az xəbər verir ki , bu barədə “Al Jazeera” qəzeti məlumat verib.

Məlumata görə, Eritreya sentyabrda Efiopiya Hava Yollarının uçuşlarını qadağan edib və bank hesablarını dondurub. Fevral ayında isə 60 yaşa qədər vətəndaşlarını hərbi xidmətə çağırıb.

Efiopiyanın şimalındakı Tigray bölgəsində də vəziyyət gərgin olaraq qalır. Tigray Xalq Azadlıq Cəbhəsinin (TPLF) bəzi üzvləri hökumətdən ayrılaraq Eritreya ilə yaxınlaşıb, bölgədə yeni qarşıdurmalar baş verib.

Qeyd olunur ki, beynəlxalq təşkilatlar tərəfləri gərginliyi azaltmağa çağırır. ABŞ-dəkı analitiklər Efiopiya və Eritreya arasında müharibənin istənilən an başlaya biləcəyini bildirirlər.

Fatimə Məmmədova

🖨 Çap et

22:00 25.03.2025

Oxunuş sayı: 1090