The Times: “İran ilə uzlaşma siyasəti əks nəticə verdi”
Britaniyanın The Times qəzeti “İngiltərə niyə İran təhdidini ciddi qəbul etmir” başlıqlı məqaləsində Qərbin Tehranla apardığı uzunmüddətli uzlaşma siyasətinin uğursuzluğa düçar olduğunu yazıb.
Crossmedia.az-ın xəbərinə görə, nəşrin analitiki Milani Fillip qeyd edib ki, İranın ABŞ və Böyük Britaniyada müxaliflərə qarşı sui-qəsd planları bu siyasətin təhlükəli nəticələr doğurduğunu göstərir. Onun sözlərinə görə, Qərb bu yanaşmanın bədəlini ödəməli olacaq.
Məqalədə iranlı siyasi mühacir və jurnalist Məsih Əlinejada qarşı sui-qəsd cəhdinin Nyu-Yorkda məhkəmə predmetinə çevrildiyi vurğulanıb. Müəllif bildirir ki, Tehran bu cür addımları sistemli şəkildə atır və bu təhdid yalnız ABŞ-la məhdudlaşmır.
“İran illərdir ki, Avropada müxaliflərə qarşı sui-qəsd proqramı həyata keçirir və bunun üçün yerli quldur dəstələrinin üzvlərini və narkotik satıcılarını cəlb edir”, – deyə məqalədə qeyd olunub.
21:56 25.03.2025
Oxunuş sayı: 6739
