Yanacaqdoldurma məntəqəsində güclü yanğın: Ölənlər var
Livanın Hirmil şəhərində yanacaqdoldurma məntəqəsində baş verən yanğın nəticəsində dörd nəfər həyatını itirib, çox sayda insan yaralanıb.
Crossmedia.az "NNA" xəbər agentliyinə istinadən xəbər verir ki, hadisə benzin boşaldılması zamanı baş verib. Güclü alov qısa müddətdə geniş əraziyə yayılaraq, yaxınlıqdakı mağazalara keçib. Yanğının təsiri nəticəsində onlarla avtomobil və bir neçə iş yeri zərər görüb.
İlkin məlumatlara əsasən, yanğın zamanı bir neçə insan ağır xəsarət alıb. Yaralılar arasında vəziyyəti kritik olanlar, hərbi helikopter vasitəsilə paytaxt Beyruta aparılıb.
Saatlarla davam edən müdaxilədən sonra yanğın nəzarət altına alınıb.
Hadisənin səbəbləri araşdırılır.
19:31 25.03.2025
Oxunuş sayı: 6480
