Ədirnədə Yunanıstana qaçmaq istəyən PKK şübhəlisi saxlanılıb
Türkiyənin Ədirnə vilayətində terror təşkilatı PKK üzvü olmaqda şübhəli bilinən şəxs Yunanıstana qaçmaq istəyərkən saxlanılıb.
Crossmedia.az xəbər verir ki, təhlükəsizlik qüvvələri Ədirnədə yerləşən birinci dərəcəli hərbi qadağan zonada keçirdiyi əməliyyat zamanı R.M.-nin qeyri-qanuni yollarla Yunanıstana keçmək cəhdinin qarşısını alıb. Araşdırmalar nəticəsində onun “terror təşkilatı PKK üzvü olmaq” ittihamı ilə axtarışda olduğu müəyyən edilib.
Türkiyə uzun müddətdir terrorla mübarizə çərçivəsində sərhəd bölgələrində nəzarəti gücləndirib.
Bu çərçivədə, xüsusilə Yunanıstan sərhədində qeyri-qanuni keçid cəhdlərinə qarşı mütəmadi əməliyyatlar həyata keçirilir.
Qeyd edək ki, saxlanılan R.M. jandarma qruplarına təhvil verilib və ilkin istintaqdan sonra ədliyyəyə sövq edilib. Məhkəməyə çıxarılan şübhəli barəsində həbs qərarı verilib.
23:57 12.03.2025
Oxunuş sayı: 481
