Ermənistan Türkiyə ilə münasibətlərin normallaşmasına hazırdır
Ermənistanın Türkiyə ilə münasibətlərin tənzimlənməsi üzrə xüsusi nümayəndəsi Rubenyan Türkiyənin NTV kanalına verdiyi müsahibədə İrəvanın Ankarayla tam diplomatik münasibətlərin bərpasına hazır olduğunu vurğulayıb.
Crossmedia.az-ın verdiyi xəbərə görə, o, bildirib ki, Ermənistan Türkiyə ilə diplomatik əlaqələrin normallaşmasına heç bir şərt qoymadan hazırdır və sərhədlərin açılmasına da razıdır.
Qeyd edək ki, Rubenyan əlavə edib ki, Ermənistan Türkiyədən sərhədin blokadalarının açılmasına dair əldə olunan razılaşmanın həyata keçirilməsi üçün addımlar gözləyir. 2022-ci ildə üçüncü ölkələrin və diplomatik pasport sahiblərinin keçidi üçün qismən açılan sərhədin tam açılması nəzərdə tutulur.
Bundan əlavə, Rubenyan qeyd edib ki, Ermənistan-Türkiyə sərhədindəki "Margarə" gömrük-keçid məntəqəsi artıq təmir edilib və istifadəyə hazırdır. Gələcəkdə sərhəddəki tarixi körpünün bərpası planlaşdırılır ki, bu da iki ölkə arasında tam normalizasiyaya doğru atılmış mühüm addım olacaq.
Bildirək ki, Rubenyanla müsahibə Türkiyə jurnalistlərinin Ermənistandakı media turu çərçivəsində baş tutub. Jurnalistlər həmçinin Ermənistanın baş naziri Paşinyanla görüşüblər.
Xumar Əhmədova
21:25 12.03.2025
Oxunuş sayı: 10703
