Britaniya Rusiya vətəndaşı olan gəmi kapitanı və ekipaj üzvlərini həbs edib
Böyük Britaniya sularında baş verən gəmi qəzası beynəlxalq diqqət çəkib.
Crossmedia.az xarici mediaya istinadən xəbər verir ki, ABŞ bayraqlı STENA IMMACULATE tankeri Portuqaliya bayrağı altında üzən SOLONG gəmisi ilə toqquşub.
Hadisə zamanı STENA IMMACULATE ABŞ Müdafiə Nazirliyi üçün reaktiv yanacaq daşıyırdı.
Britaniya mediası Sky News xəbər verir ki, hadisədən sonra Britaniya hakimiyyəti SOLONG gəmisinin kapitanı və ekipaj üzvlərinin əksəriyyətinin Rusiya vətəndaşı olduğunu müəyyən edib. Onlar qəsdən adam öldürmə şübhəsi ilə saxlanılıblar.
Mənbələr bildirir ki, SOLONG gəmisinin toqquşmadan əvvəl sürəti azaltmaq və ya istiqamətini dəyişmək üçün heç bir cəhd göstərmədiyi müşahidə edilib. Hadisənin texniki səhv, yoxsa qəsdən törədildiyi araşdırılır.
Xatırladaq ki, dənizdə naviqasiya qaydalarına əsasən, toqquşma riskini azaltmaq üçün hər iki gəmi ekipajının diqqətli olması və təhlükəsizlik tədbirləri görməsi vacibdir. Hadisənin araşdırılması davam edir və Britaniya hakimiyyəti bu məsələyə ciddi yanaşdığını bəyan edib.
20:55 12.03.2025
Oxunuş sayı: 10360
