Erməni ekspert: “Paşinyan faktiki olaraq Zəngəzur dəhlizinin açılması üçün zəmin hazırlayır”
“Dünyada və beynəlxalq münasibətlərdə yeni dünya nizamı adlandırılan tektonik dəyişikliklər baş verir”.
Crossmedia.az xarici mediaya istinadən xəbər verir ki, bunu erməni siyasi elmlər doktoru, professor, enerji təhlükəsizliyi üzrə ekspert Vahe Davtyan deyib.
Onun sözlərinə görə, indi formalaşmaqda olan dünya nizamı bütün mövcud dünya nizamlarından keyfiyyətcə fərqli olacaq.
“ABŞ-də Donald Trampın hakimiyyətə gəlməsi ilə biz maliyyə kapitalının dünyanın müxtəlif cəmiyyətlərində necə dominant hala gəldiyini görürük. Bu şəraitdə biz qlobal supergüclərin yox, regional supergüclərin olacağı bir vəziyyətlə üzləşəcəyik. Buna sübut odur ki, Rusiya özünü Avrasiya İqtisadi Birliyində regional supergüc kimi görür və bu formatda öz maraqlarını irəli sürür. Çin də eyni məntiqlə fəaliyyət göstərir”, - deyə Davtyan qeyd edib.
Davtyan bildirib ki, Paşinyan faktiki olaraq Zəngəzur dəhlizinin açılması üçün zəmin hazırlayır.
“Azərbaycan və Türkiyə torpaqlarımızı satır, alver edir. İsrail faktoru bizim siyasətimizə müdaxilə edəcək”, - deyə o əlavə edib.
20:35 12.03.2025
Oxunuş sayı: 7324
